Vaa hussaina vaa hussaina audio file

Vaa hussaina vaa hussaina

 

Sarr-e-mehshar batool ki hai sada-----meray husssain ka sar

Nok-e-naiza kuja hussain kuja---------- meray husssain ka sar

 

Ya khuda kaisi woh qayyamat thi

Meray bachay pay jo museebat thi

Laash-e-besar baghair turbat thi

Sar charhay gaya sarre naiza

 

Aah naizo pay sar jo chaltay thay

Kabhi girtay kabhi sambhaltay thay

Kabhi naaqon say woh kuchaltay thay

Khoon rota raha khudae wafa

 

Bosa gaahe ali o paighambar

Markaze hasrate dille shabbar

Mera quraan aur khaak basar

Kia yehi ajr hai risalat ka

 

Bola darbaar mein koi aakar

Laya hoon tuhfae sarre sarwar

Phatt gaya ghum say qalbe paighambar

Farq e sarwar kuja yazeed kuja

 

Run ka aankhon mein woh samaan jaisay

Zad pay taighon ki ho yeh jaan jaisay

Aur ceenay mein ho cina jaisay

Kaisay bhoolon mein apni karbobala

 

Tasht mein sar tha takht par naari

Lab pay zaalim pay jab charri maari

Koi chaara na tha siwa zaari

Mera beemar kaanp kaanp utha

 

Kia adawat hai kaisi saazish hai

Aal say bughz ki numaaish hai

Sar hai aur patharo ki bearish hai

Chaand mera lahoo mein doob gaya

 

Aey nigar ashk ro raha hai qalam

Hashimi dukhtaro mein hai matam

Zakhme zehra ka kuch to ho marham

Wa hussaina ki aarahi hai sada

 

Vaa hussaina vaa hussaina

Vaa hussaina vaa hussaina