Imam-e-waqt audio file

Imam-e-waqt

 

Imam e waqt ashk e gham bahatay hain
kahani karbala ki yun sunatay hain

Meray mola, meray aaqa
 

(1) salam aey arz e karbal kay musafir
luta dee jan deen e haq ki khatir
main teri qabr e aqdas ka hun zair
baha dun ga main ashkon kay zakhaeir
 
fida sab ambia hotay hain tujh par
farishtay aaj bhi rotay hain tujh par

 

(2) aey tifl e sheer khwar aey naz e sarwar

Tumhara bhi salami hoon aey asghar

Laga gardan pay jab teer e sitamgar

Shahadat paee tum nay khoon main bhar kar

 

Tumharay khoon ko chulloo main lay kar

Falak ko dekh kar rotay thay sarwar

 

 

(3) main khoon main tar gareebanon ko rouoon
kay un sookhay huay honton ko rouoon
kabhi tukray huay jismon ko rouoon
kabhi khamosh awazon ko rouoon
 
salam us khoon bharay chahray kay ooper
jisay rakkha gaya naizay kay ooper
 

(4) salam in bay kafan lashon pay mera
jinhain ummat nay baad e qatl ronda
agar main karbala main sath hota
to talwaron main khud ko daal deta
 
main apna khoon teray khoon par bahata
main tujh say pahlay apna sar katata
 


(5) zameen par jab giray tum zakhm kha kar

Badan pamaal kartay thay sitam gar

Gaya ghora jo khaima geh  kay andar

Haram aanay lagay khaimon say bahar

 

Wo ghora sar jhukay ro raha tha

Haram main shor barpa ho raha tha

 

 

 

(6) haram rotay huay maqtal main aaey

Ye manzar dekh kar aansoo bahaaey

Kay qatil hai tera seena dabaaey

Teri gardan hai aur talwar haaey

 

Kati gardan ko naizay par charha kar

Haram khainchay gaye qaidi bana kar

 

 

(7) khudaya aal e ahmad par ho rahmat

Teri dargaah main hai tera hujjat

Meri maqbool ho har aik hajat

Hai meri aankh har dam mahw e riqqat

 

Rahay baqi payam e khoon e sarwar

Main loonga inteqam e khoon e sarwar

 

 

(8) azadaro suno paigham e mola

Azadari say tum ghafil na hona

Kabhi is ko na tum halka samajhna

Bohat hi qeemti hai aah o girya

 

Mera mola bhi har dam ro raha hai

Musalla ashk e gham say dho raha hai

 

 

(9) hai mahum , adeeya aur saania ka

Teri dargaah main mola ye girya

Jo majid nay likha hai tera noha

Jaza us ko ata kar meray mola

 

Har ik lagzish say yuun qasir bana say

Usay bhi apna ik nasir bana day