Haey Karbala Vaalon audio file

Haey Karbala Vaalon

Aagaya Maah-e-Aza

Hota hai matam bapa

Detain hai pursa tumhein

Parhte huey marsiya

 

Haey

 

Haey Karbala Vaalon

Haey Karbala Vaalon, Haey Karbala Vaalon, Haey, Haey Karbala Vaalon

 

1

Tum chalay Madeenay say, deen pe apni jaan denay
Dhoop main shariyet thi, us ko sayeban denay 
Be aman khudaye ko, tum chalay aman denay 
Karbala kay jungal main, sakht imtehan denay

 

Haey, Haey Karbala Vaalon

2

Sar liye hateli par Karbala mein aaey thay 
lay kay mukhtasar lashkar Karbala mein aaey thay 
sab kay sab wafa pekar Karbala mein aaey thay 
so gaye tahay khanjar Karbala mein aaey thay

 

Haey, Haey Karbala Vaalon

3

Tha sawal beyat ka khak main mila dala
tum ney aik sehra ko gulsitan bana dala
naam kufro zulmat ka dehar say mita dala
maqsad e shah e deen par ghar ka ghar luta dala

 

Haey, Haey Karbala Vaalon

4

Har ghari qayamat thi bekasi lab e darya
dekhi piyasay bachon ney tashnagi lab e darya
door thay ALI walay aur shaqi lab e darya 
ho gaya fida deen par ek jari lab e darya

 

Haey, Haey Karbala Vaalon

5

Karbala kay maqtal ka, bas ye hi khulasa hai 
tum tu ho mery mohsin, deen e huq ye kehta hai 
apney khoone say tum ney, is chaman ko seencha hai 
aaj bhi dil e ZEHRA (sa) bas ye keh kay rota hai

 

Haey, Haey Karbala Vaalon

6

Khoon sey shaheedon kay surkh thi zameen saari
roi jab NABI ZAADI zalzala hoa taari
ab bhi in shaheedon par karnay girya o zari 
do jahan main hoti hai aaj tak Azadari

Haey, Haey Karbala Vaalon

7

Karbala kay jungal main, shaam thi ghareebon ki
kon dekhta aakar, bekasi ghareebon ki
pehray dar thi ZAINAB (sa) har ghari ghareebon ki
ek zayeefa dil joi karti thi ghareebon ki

 

Haey, Haey Karbala Vaalon

8

Ho gaeen rasan basta, betiyan Payamber ki
sath tha aseeron kay aik natawan qaidi 
jis ki ankh main har dum alqama thi ashkon ki
us kay sath roti the us ki hatkari beyri

 

Haey, Haey Karbala Vaalon

9

DUKHTARAAN-E-HASHIM se,

SAFDAR-e-Hazeen kehdo,

Lab pe Sheh ka noha ho, Dil mein Karbala rakho

Kehdo saari dunya se farsh e Gham pe aajao

Karke girya o maatam, dil ko thaam kar bolo

 

Haey, Haey Karbala Vaalon

 

**Shukr-e-Mola (as) o Bibi (sa)**