Mera Naam Hai Sakina (sa) audio file

Mera Naam Hai Sakina (sa)

Azadaron suno jab qabr-e-Sakina ki ziyaarat ko jaana

Yaad rakhna ke Hussain ki beti

Abbas o Zainab ki bhateeji

Qaid khaanay mein aaj tak tanha hai

Kabhi Baba ko yaad karti hai (x2)

Kabhi Ammu Ammu kehti hai

Bus jab qabr-e-Sakina pe jaana,

Tou Hussain, Hussain ki sadaaon ko buland karke,

Bibi ko apne Baba ka pursa, denaa

Aur hosakay tou, zari-e-Sakina se buland hoti hui, in sadaaon ko bhi sunlena

Ro lena, sunlena, ro lena

 

Aao zawwaro aao
Haan mujh par ashk bahao
Mujh pay roo sar ko peeto
Main houn beti HUSSAIN ki
Mera naam hai SAKINA
 
1
Main ghar walon ki pyaari thee Ammu ki raaj dulari thee
Mera Bhaiyya mujh par sadqay tha meri Amman mujh par wari thee
Mera haal ye suntay jao (x2)
Aur sab say ye duhrao

**Chorus** (Mujh pay roo sar ko peeto, Main houn beti HUSSAIN ki, Mera Naam …)


2
Jab dasween aaee Muharram ki to apna bhara ghar ujar gaya
Jo hum nay masaib dekhay hain dushman ko dikhlaey na khuda
Ye noha mil kay sunao (x2)
Kuch pursa detay ja

**Chorus**

 

3
Jab zaair pani peetay hain ASGHAR mujhay yaad aajatay hain
Khud bahtay bahtay aankhon say ansoo pani ban jatay hain
Apnay dil ko tarpao (x2)
Kuch ashk bahatay jao

 

**Chorus**

 

4
Meray ammu roz yahan aa kar aghosh main mujh ko letay hain
Jo zaair mujh par rota hai ABBAS duaain detay hain
Yan matam kartay jao (x2)
Ammu ki duain paao


**Chorus**

 

5
Dekho to sitam ye ummat ka zindaan main bana marqad mera
Lekin ye hamari qudrat hai zindan hi ziarat gaah bana
Tum bahr e ziarat aao (x2)
Sab apni muradain pao


**Chorus**


6
Tum say ye wasiaat hai meri ye soch k tum girya karna
Zakhmi hain meray kaan bohat rukhsaar tamanchon say neela
Shor e girya ko barhao (x2)
Yoon mera dard batao


**Chorus**


7
Jab ghut ghut kay main roti thee Amman ko aziyyat hoti thee
SAJJAD tasalli detay thay Baba ko jis dam roti thee
Kehti thee Baba aao (x2)
Ab sath mujhay lay jao


**Chorus**

 

8
Zindan main shimr (LA) jo aata tha godi main Phuphi kay chup jati
Us waqt ahista ahista SAJJAD say main ye farmati
Aey bhaiyya pass ajao (x2)
Zaalim say mujh ko bachao


**Chorus**

 

9
Aey “MAHUM, ADEEYA, SAANIA” jab, Bibi ki ziaarat ko jaana
Kuch nannhi nannhi balian tum Bibi ki lehad pay charha dena
Aey “MAJID” ashk bahao (x2)
Bibi ka noha sunao

**Chorus**

 

**Shukr-e-Mola (as) o Bibi (sa)**