Shaam Ki Qaid audio file

Shaam Ki Qaid

 

 

Shaam ki qaid nibha aaayi hoon
Day kay betay main tera deen bachaa aayi hoon

Shaam ki qaid nibha aaayi hoon

1

Sar uthaaey na kabhi nasl e yazeedi (LA) nana
Is lieay Shaam mein sar nangey para hai jaana
Saffe hasti say mein baatil ko mitta aai hoon, Haey

Shaam ki qaid nibha aaayi hoon

2
Shaam walon nay mera Shaam mein woh haal kiya 
Sang barsaakay meray kapron ka rang laal kiya
Be haya logon mein main khutbey sunna aai hoon, Haey

Shaam ki qaid nibha aaayi hoon

3
Dekho Nana main teri laadli zainab muztar 
Teri ummat nay giraey meray sar pay pathar 
Kaisay kaisay jaan pay zulm uthaa aai hoon, Haey

Shaam ki qaid nibha aaayi hoon

4
Meray Akbar kay kaleyjay mein laggi hai barchi 
Teeyr say pyaas bujhaai hai Ali Asghar ki 
Apna sab kuch main to karbal mein lutta aai hoon, Haey

Shaam ki qaid nibha aaayi hoon

5
Meri chaadar na rahi raaj dulaaray na bachay 
Sab hi maaray hain gaaey Bhai piyaaray na bachay 
Zakhm gehray apnay ceenay pay main khaa aai hoon, Haey
Shaam ki qaid nibha aaayi hoon


6
Noha AKHTAR nay likha HASHIMI BEHNO nay parha 
Sun kay pursa dukkhi Zainab nay yeh kaha hoga
Ghar tumharey lieay jannat mein banaa aai hoon, Haey

 

Shaam ki qaid nibha aaayi hoon

 

**Shukr-e-Mola (as) o Bibi (sa)**