Tareek bayaban main kehti rahi ro kar

Jeenay nahi dayti hai mujhay aapki furqat

Aur us pay sitam khauf ka pehra meray dil par

Dasht ka andhaira, aap ki judaai, ranj-o-ghum keh saaey

(Haey Baba Haey Baba kaisay neend aey) x2

1. main kisay sonaoun dard ka fasana

hai mera muqadar ghum pay ghum uthana

aik beghari hai, dosrari yateemi, kitnay zakhm khaey

(Haey Baba Haey Baba kaisay neend aey) x2

2. main bhi ro rahi hoon or zindagi bhi

mout noha gar hai or bekasi bhi

ashak pee rahi hoon, ghum say jee rahi hoon, kesay chain aey

(Haey Baba Haey Baba kaisay neend aey) x2

3. rotay rotay baba ab labon pe hai dum

dasht main milay hain is qadar mujhay ghum

sung dil sitamgar,hans rahay hain mujh par,sun kay mari haey

(Haey Baba Haey Baba kaisay neend aey) x2

4. ankh ro rahi hai qalb matami hai,

meray lab pay noha har ghari yehi hai

main kisay pukaroon, main kissay sada doon, shimr jab sataaey

5. zakhm to milay hain aur dawa nahi hai,

aur ghum sahoon main hosala nahin hai

kon day sahara, kon day dilasa, kon ab bachaey

6. kab talak jiyoon gi kuch nahin bharosa,

in aziyatoon say dum labon pay aya

baba dasht main hi, aap ki chahiti, ghum say mar na jaey

(Haey Baba Haey Baba kaisay neend aey) x2

7. jal chokay hain khaimay chin gaein ridaien,

noha parh rahi hain dasht ki hawaien

hai bohat andhaira, ye tari sakina, ban mein khoo na jaey

(Haey Baba Haey Baba kaisay neend aey) x2

8. baliyoon ko mari is tarha say khaincha,

hogaya laho say tar mera ye kurta

daikh lo ye manzar, zalimo nay hum par, zulm azamaey

(Haey Baba Haey Baba kaisay neend aey) x2

9. marata hai aa kay shimr jab tamachay,

wastay main daiti hoon usay khuda kay

yeh yateem bachi, bekasi ko apni, kia zaban pe laey

(Haey Baba Haey Baba kaisay neend aey) x2

10. khoon ro rahi hain "dukhtaran-e-Hashim",

"safdar-e-hazeen" pay hai magar ye lazim

kar day wo raqam sab, jo sakina kay lab, keh rahay thay haey

(Haey Baba Haey Baba kaisay neend aey) x2