Mene dekha audio file

Mene dekha

(Shabbir ki gardan ko kat'tay menay dekha hay amma(n)) x2

  1. (Yay mei hee jaanti hoon kesay) x2 Menay dekha hay amma'n
  2. Shabbir ki gardan ko kat'tay menay dekha hay amma(n)

    Jis bhai par say beto'n ke Mei sadqay utaara karti thi

    Raato'n ko uth uth kar jis ko mei paani pilaaya karti thi

    (Sehra mei usay pyaasa martay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  3. Jo paanch baras ka tha ammaa'n Jab aap gayee'n thee'n dunya say
  4. Us waqt say khud ammaa'n jis ko maa bun k paala tha menay

    (Usay tarap tarap k jaa'n detay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  5. Jis pusht pay subh say hee ammaa'n bhai nay laashay uthaayay thay
  6. Jab qate e asar sajday may gaya To qaatil aa betha us pay

    (Sattar qad'mo ki doori sey) x2 menay dekha hay amma(n)

    Shabbir ki gardan ko kat'tay menay dekha hay amma(n)

  7. Bhai ko zibha karnay k lyay qaatil nay khanjer thaama to
  8. Rukh kar k sooyay nehar menay hasrat say pukaara ghaazi a.s ko

    (Ghazi a.s ko tarptay saahil pay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  9. Bhai ki gardan par ammaa'n jab qaatil nay khanjer phera
  10. Kat'ti hayn ragayn dil ki meray mujh ko to yay mehsoos hua

    (Quraan ko haath'on mei thaamay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  11. Qaatil to khanjer chalata raha Aur mei sktay may takti rahi
  12. Sir par quraan uthaayay huayay Bhai ki zarbayn ginti rahi

    (Kul tera dafa khanjer chaltay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  13. Kul tera baar chala kar wo Khanjer jab pusht say utra tha
  14. Haayay ammaa'n us k haath'on may sir tha meray bhaai ka

    Sir kaat k qaatil ko hanstay) x2 menay dekha hay amma(n)

    Shabbir ki gardan ko kat'tay menay dekha hay amma(n)

  15. Us waqt namaaz tamaam hui jis waqt juda sir tan say hua
  16. Phootay wo lahoo k fawwaray aur matti par khoo'n phel gaya

    Baysir ko sajday say girtay menay dekha hay amma(n)

    Shabbir ki gardan ko kat'tay menay dekha hay amma(n)

  17. Nezay pay utha k sir khushyaa'n dushman ki fauj manaati thi
  18. Karbala may qatl hussain a.s hua aawaaz yay ghayb say aati thi

    Phir khoon ki baarish ko hotay menay dekha hay amma(n)

    Shabbir ki gardan ko kat'tay menay dekha hay amma(n)

  19. "Asif" Jab laut k zenab a.s nay zaahra a.s ko haal sunaaya tha

Shabbir a.s ka khoon bhara kurta madar ki qabar pay daala tha

(Kehti thee'n apna ghar lut'tay) x2 menay dekha hay amma(n)

Shabbir ki gardan ko kat'tay menay dekha hay amma(n)