1. Khwaahishay'n Kia thee'n un laeen'on ki kyu giray iss qadar talaash karo

Zulm itnay huwe the kyu aakhir kyu luta sheh ka ghar talaash karo

2. Us ko daulat ki chah thi jis nay sheh ki beti ki dur utaaray thay

Dasht e karbal say shaam tak usnay, Haayay kitnay tamaa'nchay maaray thay

Dil may laalach na ban k betha ho..apnay ander shimar talaash karo

Zulm itnay huwe the kyu aakhir kyu luta sheh ka ghar talaash karo

3. Wo bhi to shah ko maantay hee thay ..likh k khat jo unhayn bulaatay thay

Shah ko aayay to maut k dar k say Saath denay ko wo nahee ayyay

Tum may koofi na ho koi ander maur ka dil may dar talaash karo

Zulm itnay huwe the kyu aakhir kyu luta sheh ka ghar talaash karo

4. Us ko khwahish thi hukmurani ki jis nay itnay sitam keeyay sheh a.s par

Jis say inaam(reward) paanay ki khaatir ran may cheeni gayee thi, har chaadar

Haakim e shaam(l) to nahee dil may dil hay khwaahish ka ghar ..talaash karo

Zulm itnay huwe the kyu aakhir kyu luta sheh ka ghar talaash karo

5. Cheen kar murtaza a.s ki masnad koghar jalaaaya..kisi nay zaahra ka

Aur kisi nay jala k khemo'on ko..aal e imran a.s ko aseer keea

Koi ghaasib to nahee hay dil mayn..khwaahish e maal o zar talaash karo

Zulm itnay huwe the kyu aakhir kyu luta sheh ka ghar talaash karo

6. Sochna dil ki pyaas hay logo tum issay kis tarha bhujaatay ho

Haq o baatil k do samandar hayn kis ka paani issay pilaatay ho

Dil may kausar tumharay behti hay...ya ke umvi nehar talaash karo

Zulm itnay huwe the kyu aakhir kyu luta sheh ka ghar talaash karo

7. Khwaaishayn..nafs say janam laykar kia kia insan say karaatee hayn

Rooh..hay amr e rab maurkay nafs o rooh

May jaari hayn

Rooh e tauheed of nafs e insaa'n may jange karbal thee...gar talaash karo

Zulm itnay huwe the kyu aakhir kyu luta sheh ka ghar talaash karo

8. Apnay armaan pooray karnay ko..dekho kia kuch yazeed (l) kar betha

Chaar din ki hayaat ki khaatir...apni matti ..paleed kar betha..

Apnay armaan'on(desires) ka zara tum bhi..apnay dil par asar talaash karo

Zulm itnay huwe the kyu aakhir kyu luta sheh ka ghar talaash karo

9. Maal o daulat ki iss hawis nay hee..ik bashar ko ..shimar banaaya tha

Naam karnay ki chaah may khanjer..us nay khud..shah a.s par chalaaya tha..

Jung e karbal hee nazar ayaya gi...apnay dil may jidhar ..talaash karo...

Zulm itnay huwe the kyu aakhir kyu luta sheh ka ghar talaash karo

10. Gar yay hasrat lyay ho zinda k..tum ko mehdi a.s ka saath dayna hay

Shah ke dushman'on say us k sung ..gar tumhay intiqaam lena hay

Hirs o laalach bhi shah a.s k dushman hayn..dil mayn dushman ka sir talaash karo..

Zulm itnay huwe the kyu aakhir kyu luta sheh ka ghar talaash karo

11. Lashkar e shaam par nazar daalo..khwaahish e maadd'yat hee paao gay

Aur wo sheh a.s k ..sipaahee un may sirf rohaanyat hee paao gay

Maadd'yat k khilaaf ishq hua kesay seena sipar talaash karo

Zulm itnay huwe the kyu aakhir kyu luta sheh ka ghar talaash karo