Madh-e-Ali Asghar (AS) audio file

Madh-e-Ali Asghar (AS)

God may Imamat ki

intihaayay zulm par

sabr muskuraayay to

zulm kaanp jaata hay

sheer khwaar bachhay ke

Haydri lahoo may jo

shoq jaan denay ka

iss trha machalta hay

darmyaan'n hazaaro'on k

intihaayee mutma'in

teer aata dekh kar

hamd karnay lagta hay

aakhri sipaahi ke

hoslay ko dekh kar

baadshaah ki aankho may

ashkejhoom uth'ta hay

aakhri sipaayee youn

apni in adaao'n say

bhookay pyaasay baap ka

hosla barhaata hay

sheer khwaar bachhay ka

khoon laykar haath mayn

baap eikeyaas say

sooayay arsh takta hay

arsh thartharaayay to

dekhay wo zameen ko

wo bhi kapkapaati hay

phir wo moo pay malta hay

chand qadam par aikemaa

apni kaamyaabi par

shukr jo karay to phir

shukr ronay lagta hay

zulm aur shukr ki

jabr aur sabr ki

esi jung dekh kar

adl cheekh parta hay

zaalim'on say zulm ka

loonga khud hisaab mayn

koi hay jo arsh say

yay sadaayayn deta hay

kaainaat khaaliq ki

poochti hay hayrat say

aiy khuda bata humayn

iss tarha bhi hota hay?

kon hay yay baashah

kis ka yay gharaana hay

teray raastay mayn jo

esay zulm sehta hay

har nayi museebat par

koi muskuraata hay!!

koi hamd karta hay!!

koi shukr karta hay !!