Ay ibne Hassan (a.s.), Ay ibne Hassan (a.s.)

Haye Haye Qassim, Haye Haye Qassim (x3)

Allah kisi ma ko ye waqt na dikhlaaye (x3)

1. Sehre ki jagaa nawha (x2) shaadi me parhaa jaaye

Allah kisi ma ko ye waqt na dikhlaaye (x2)

2. Qaasim teri shaadi ka manzar hai ajab manzar

Mehndi hai lahoo waali sehraa hai lahoo me tar

Aisi to koi shaadi, haye

Aisi to koi shaadi dekhi na suni haaye

Allah kisi ma ko ye waqt na dikhlaaye (x2)

3. Sehra tera ashqon se behno ne sajaayaa thaa

Quraan ke saaye me jab dulha banaayaa thaa

Mehdaan se tum waapas, haye

Mehdaan se tum waapas tar khoon me ghar aaye

Allah kisi ma ko ye waqt na dikhlaaye (x2)

4. Paamaal huwaa laashaa maqtal me teraa aise

Shabbir teraa laashaa daaman me chunne kaise

Bikhre huwe laashe ko, haye

Bikhre huwe laashe ko kis tarha oothaa paaye

Allah kisi ma ko ye waqt na dikhlaaye (x2)

5. Armaan thaa Zainab ka Shabbir ki hasrat thi

Farwa ki thamanaa thi Sughra ki bhi chaahat thi

Quraan ke saaye me, haye

Quraan ke saaye me baaraat teri jaaye

Allah kisi ma ko ye waqt na dikhlaaye (x2)

6. Sab khaak huwe armaan miti me mili chaahat

Tooti hai sar-e-maqtal Shabbir pe ye aafat

Tukde teri mayat ke, haye

Tukde teri mayat ke daaman me ootha laaye

Allah kisi ma ko ye waqt na dikhlaaye (x2)

"Rehan" sare maqtal shabbir ka nawha thaa

Ay ibne Hassan (a.s.)mujse oothaa nahin gham teraa

Dil meraa issi gham se, haye

Dil meraa issi gham se tukdon me bataa jaaye

Allah kisi ma ko ye waqt na dikhlaaye (x2)

Ay ibne Hassan (a.s.), Ay ibne Hassan (a.s.)

Haye Haye Qassim, Haye Haye Qassim (x3)