Haye be-ridaa binte Ali

Besharm zamana hai bazaar hai aur Zainab (s.a.)

Bazaar hai aur Zainab (s.a.)

Kya waqt paraa aa ke, darbaar hai aur Zainab (s.a.)

Bazaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

1. Hai Kufe ki shehzaadi aur parde ki hai aadi

Ma Fatema (s.a.) hai jiski aur binte Asad daadi

Ab sar pe nahin chaader bazaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

2. Jab shame gharibaan ko sholo me ghire khaime

Tab suwe najaf mur kar Zainab (s.a.) ke the ye naale

Ay baba masaaib ki bharmaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

3. Zehra ke bhare ghar ke Shabbir (a.s.) nighebaan the

Aashur ko sarwar bhi rukhsat huwe duniya se

Ab Fatema Zahra (s.a.) ka gharbaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

4. Daakhil huwi jab bibi Kufe me rasan basta

Har koi aseeron ko yoon dekh ke hasta tha

Har samt se pathar ki bochhaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

5. Zahra ko jis ummat ne darbaar dikhaa ya thaa

Phir ghar ka bhi darwaza sholo se jalaa ya tha

Aur ab wohi ummat hai darbaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

6. Zaalim ke tamaachon se sehmi jo Sakina (s.a.) thi

Majboor phupi bekas bas dekh ke rehjaa ti

Masoom Sakina (s.a.) ka rukhsaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)

7. Bibi ne "Husein" ayse jo azm dikhaaya thaa

Kufe ko bhi ay "Majid" aur Shaam ko dhaaya tha

Bas peshe e nazar ma ka kirdaar hai aur Zainab (s.a.)

Besharm zamana hai bazaar hai aur Zainab (s.a.)

Bazaar hai aur Zainab (s.a.)