Hazri mola abbas audio file

Hazri mola abbas

(Me hazri manata hun mola abbas ki) x2

1. Faryaad tere dar pe sunaata hun me yehi

Puri ho sab duaain meri ay mere wali

(Me hazri manata hun mola abbas ki) x2

2. Ye hazri waseela hai raah e najat ka

Iss hazri me rizq hai kul kainat ka

Mil jaye iss ke sath jo pani furaat ka

Khaliq kare qubool tere dil ki har dua

Dil say sada lagata hun mola abbas ki

(Me hazri manata hun mola abbas ki) x2

3. Mawla tumhe hai fatima zahra ka wasta

Sadqa hame kate huwe bazu ka ho ata

Bas aap hi ke dar se to pate hai ham shahaa

Koi bhi tere paas se khaali nahin gayaa

Dar se tumhare meri dua rad nahi huwi

(Me hazri manata hun mola abbas ki) x2

1. Iss hazri ki jisne bhi mannat hai maanli

Hazir huwa wahin pe mera ghaziye jari

Uski bala kate huwe hathon se taal di

Phir koi gham raha na musibat rahi koi

Ay mere aqa dekhiye hazir hai hazri

(Me hazri manata hun mola abbas ki) x2

2. Abbas tumhe bali sakina ki qasam hai

Abbas tumhe saniye zahra ki qasam hai

Abbas tumhe shahe madina ki qasam hai

Roze pe bulalo shahe wala ki qasam hai

Ab dil me hamare to tamanna hai bas yehi

(Me hazri manata hun mola abbas ki) x2

3. Abbas alamdar ko me deta hun sadaa

Be pardagiye saniye zahra ka wasta

Tere alam ke saaye me hi ghar rahe mera

Aur betiyon ke rishtay bhi hon jald ya shahaa

Ab koi bhi bala mere ghar me na ayegi

(Me hazri manata hun mola abbas ki) x2

4. Deta hun karbala ke me pyason ka wasta

Ahl e haram ke nannay say bacchon ka wasta

Bacchon ko mere apni mohabbat karo ataa

Karte rahain wo majliso maatam tere sadaa

Bazm e aza sajata hun mola abbas ki

(Me hazri manata hun mola abbas ki) x2

5. Bazu kata ke nahr pay abbas chal diye

Bali sakina un ko bulati thi yaas se

Har martaba sada yehi ati thi laash se

Sharminda hai ke pani na tum ko pila sakay

Yun dastaan sunata hun mola abbas ki

(Me hazri manata hun mola abbas ki) x2

6. Abbas nay dua nahi taali kisi ki bhi

“Majid” koi jo manay ga ghazi ki hazri

Hazir wahin pa hoga mera ghazi e jari

Ab sath sab husein ke misra parho yehi

Dil me wila barhata hun mola abbas ki

(Me hazri manata hun mola abbas ki) x2

7. Aqa tumhain qasam hai sakina ki piyas ki

Aqa tumhain qasam hai shah e haq shanas ki

Shah e huda ke khun me dubay libas ki

Tum ko qasam hai sheh ki buzurgi o yaas ki

Faryad me sunata hun mola abbas ki

(Me hazri manata hun mola abbas ki) x2

8. Bacchay pukartay thay chacha jaan aayiye

Honton pay jaan aagayi pani pilayiye

Zalim hamay satatay hain aa kar bachaiye

Aa kar zara sakina ke gohar dilayiye

Majboorian batata hun mola abbas ki

(Me hazri manata hun mola abbas ki) x2