Muhammad(S.A.W) Ka Nawasa audio file

Muhammad(S.A.W) Ka Nawasa

Aye logoo Muhammad(s.a.w) ka nawasa perdais mai mehmaan howa hai

Falak per chaand nazar aya muhurrum ka, bay sakhta aankhoo nay meri khoon bahaya, logoo nay mujhay rootay howay dekh kai poocha, shahzadi zara ye tu bata ghum hai ye kaisa, kyou farsh-e-aza aap nay ghur mai hai bichayaa,

(Sughra(a.s) x2 nay kaha ahl-e-madina ghur Zehra(s.a) ka wiraan howa hai

(Aye logoo Muhammad(s.a.w) ka nawasa perdais mai mehmaan howa hai) x2

1. Iss chaand kay chehray pay zara dekho uddasi

Kerbal kay shaheedo ki manata hai ye barsi

Hudd pichlay baras hum pay hoi zulm-o-jafa ki

Iss chaand nay wo dard ki roodaad suna di

(Ye chaand) x2 meray baba kay ghum mai khud chaak garaiban howa hai

(Aye logoo Muhammad(s.a.w) ka nawasa perdais mai mehmaan howa hai)2

2. Iss chaand nay khoolay hain wo yaado kay darichay

Darya sai zara dour nazar aatay hain khaimay

Awaz-e-atash aati hai kanoo mai wahi say

Hai pyaso kay hulqay mai Sakina(s.a) kay bhi naalay

(Baqar(a.s)x2 bhi mera pyasa musafir haye pyas sai bejaan howa hai

(Aye logoo Muhammad(s.a.w) ka nawasa perdais mai mehmaan howa hai)2

3. Ashoor ki shub aye qayamat hoi burpa

Subb maaoo nay baitoo ko qaree apnay bulaya

Baloo ko sanwara kabhi paishani ko chooma

Qasim(a.s) ko chichi jaan nay dolha sa banaya

(Soraj)x2 nay khabur aakay sunaiee ye qatal ka samaan howa hai

(Aye logoo Muhammad(s.a.w) ka nawasa perdais mai mehmaan howa hai)2

4. Baba ki sada ayee kay humshakl-e-Payamber(s.a.w)

Wo waqt-e-qaza aahi gaya aye meray dilbar

Aaghaz hai iss jang ka ubb teri sada per

Aoo meray nazdeek azza doo Ali Akber(a.s)

(Akber(a.s)x2 ki azza dashat mai goonji ya jung ka ailaan howa hai

(Aye logoo Muhammad(s.a.w) ka nawasa perdais mai mehmaan howa hai)2

5. Phir aik kay baad aik gaye janib-e-maidaa

Her laash uthanay ko gaye sarwar-e-zeesha

Qasim(a.s) tu kabhi Aun-o-Muhammed(a.s) say dil-o-jaa

Hur(a.s) jaisa dilawar tu kabhi Jon(a.s) sa mehmaa

(baba)x2 nay magar sar na jukhaya ye deen pay ihsaan howa hai

(Aye logoo Muhammad(s.a.w) ka nawasa perdais mai mehmaan howa hai)2

6. Nagah sada khaimoo mai maidaan say aye

Akber(a.s) nay kalayjay pay sinaa zulm ki khaiee

Ye sontay hi ghush khanay lagi Zehra(s.a) ki jaiee

Sarwar nay kaha lott gaiee Laila(s.a) ki kamaiee

(laila(s.a)x2 nay kiya shukr ka sajda wo deen pay qurban howa hai

(Aye logoo Muhammad(s.a.w) ka nawasa perdais mai mehmaan howa hai)2

7. Kaandhay pay rakhay mashq-e-Sakina(s.a) wo Alumdar

Baba say ijazut kay liye aaya wafadar

Alqisa mila iznn chala janib-e-kufar

Mashkeeza bhara nehr say anay laga jarar

(afsoos)x2 cheedi mashk-e-Sakina(s.a) pamaal her armaan howa hai

(Aye logoo Muhammad(s.a.w) ka nawasa perdais mai mehmaan howa hai)2

8. Phir dasht-e-bayaban mai tunha howay baba

Hulmin ki sada dainay lagay Syed-e-wala

Ghazi ko pukara kabhi Akber(a.s) ko pukara

Asgher(a.s) nay kaha baqi hai ek laal tumhara

(pyasa)x2 hi sidhara wo jahan say qatil bhi pashemaan howa hai

(Aye logoo Muhammad(s.a.w) ka nawasa perdais mai mehmaan howa hai)2

9. “Mazhar” mai ossi waqt ko kehta houn qayamat

Nazdeek howa shah ka jubb waqt-e-shahadut

Noha ye kiya Fatima Zehra(s.a) nay bariqat

Purhh sakta nahi qalb-e-“ali” mai nahi taqat

(Sughra(s.a)x2 ka her ek lafz yaha per buss dard ka Quran howa hai

(Aye logoo Muhammad(s.a.w) ka nawasa perdais mai mehmaan howa hai)2