Aaja asghar tu kaha(n) hai audio file

Aaja asghar tu kaha(n) hai

(Aaja asghar) x6

(Aaja asghar tu kaha(n) hai, Mey tujhey paani pilau(n)) x3

(Ro ro kehti thi sakina maa bulaati hey tumhei(n)) x2

Is siyah raat mey kesey mey tujhey dhoondh key laau(n)

(Aaja asghar tu kaha(n) hai, Mey tujhey paani pilau(n)) x2

Dekh maadar ney tera jhoola sajaya asghar

Naam leykar tera kayi baar bulaya asghar

Keh rahi hey key meri gaud hey sooni pyaarey

Tujh ko jhooley mey(n) sula key mey(n) tujhey lori sunau(n)

(Aaja asghar tu kaha(n) hai, Mey tujhey paani pilau(n)) x2

Maut ka khof hey har simt tu darta hoga

Maa ki aagosh ko tu yaad to karta hoga

Jheyl kar teerey sitam so gaya to sehra mey(n)

Apney seeney pey lit(t)a key mey bhala kis ko sulau(n)

(Aaja asghar tu kaha(n) hai, Mey tujhey paani pilau(n)) x2

Shaam honay ko hey ab laut bhi aa merey pisar

Bin terey hai bhala kesey jiyegi maadar

Qabr ki gaud ko samjha hey pangur®a tu ney

Is garm reyt sey tujh ko mey bata kesey uthau(n)

(Aaja asghar tu kaha(n) hai, Mey tujhey paani pilau(n)) x2

Pardey daari ke liye laaye the burqey ghar sey

Ch(h)een li chadarey(n) hai shimrey laeen ney sar sey

Mey(n) hu(n) khatooney qayamat ki bahu kya mey karu(n)

Kis ka parda mey banau(n) kesey maqtal mey mey aau(n)

(Aaja asghar tu kaha(n) hai, Mey tujhey paani pilau(n)) x2

Dardey shabbir sey ya rab mera daaman bhar dey

Meri qismat mey bhi kerbal ki zawaari kar dey

Naam likh dey saghey zahra mey doowhi akhtar ka

Ley key seeney mey te hasrat kahi(n) mar hi mey na jaau(n)

(Aaja asghar tu kaha(n) hai, Mey tujhey paani pilau(n)) x2