Reh Gaya bekas –o- tanha, Mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

1. Who bhi din the ke nabi dil se laga lete the

Mein bithati toh Ali badh ke utha lete the

Tha bade naaz se pala, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

2. Aa mere paas kaleje se lagaloon tujhko

Kab se be aab hai kuch ashk pilaloon tujhko

Waqt ghurbat ka hai kaisa, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

3. Tere bachpan me Farishton ne jhoolaya jhoola

Jis qadar tujhko mila pyar kisi ko na mila

Aaj hai teeron pe laasha, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

4. Lash Akber ki uthate huwe dekha maine

Kabar Asghar ki banate huwe dekha maine

Aur tera ashk bahana, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

5. Gham se tere kahin phat jaye na Zainab ka jigar

Zuljanah khali jo pohchega dar-e-khaime par

Reh na payegi Sakina, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

6. Kya ghazab haye ke tere halq pe chalti hai choori

Koi baqi na raha kisko kahoon adrikni

Khakh pe sota hai kunba, mere mazloom Husein

 

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

7. Aa mere paas kaleje se lagaloon tujhko

Kab se be aab hai kuch ashk pilaloon tujhko

Waqt ghurbat ka hai kaisa, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein

8. Haal maqtal ka sahan mujse raqam hota hai

Aankh me ashk hain "Faizan" qalam rota hai

Lab pe aajata hai noha, mere mazloom Husein

Kehti thi dasht me Zehra, Mere mazloom Husein, Reh Gaya bekas –o- tanha, Mere mazloom Husein