Dekho buturaab audio file

Dekho buturab aa gaya

Muskura utha khuda ka ghar dekho buturab aa gaya

Zindagi jawan ho gaee deen per shabab aa gaya

Paish sab hain zair aur zabar mast hain maani o asar

Harf parh rahe hain manqabat waris e kitab aa gaya

Chand ney bichaee chandni sajday kar rahee hai roshni

Chupti phir rahee hai teergi kaun benaqab aa gaya

Dil jala jala kay shaam ka keh raha hai yeh diya diya

Fakhr e aftab aa gaya rashk e mahatab aa gaya

Aa gaye madinay say ali chupte phir rahe hain sheikh jee

Khud to pehle say kharab they waqt bhi kharab aa gaya

Imtihan jab koi para ya hua kisi say marika

Ghar say keh kay ya ali gaya aur kamiyab aa gaya

Mil rahe hain khak mein badan gardanon say ur rahe hain sir

Bud nasab munafiqeen per kaunsa azab aa gaya

Yoon huaye khamosh sab kay sab goongay ho kay reh gaye arab

Dushmanon kay her sawal ka bolta jawab aa gaya

Gohar e aza chamak utha qabr mein farishton say kaha

Ab sawal poochiye zara dainay her jawab aa gaya

 

 

Writer: gohar jarchvi

Audio: baidarian 2005

Reciter: rizwan zaidi

Karachi - pakistan