Her aik taraf gulbari hai

Yoon lagta hai mere mola tere aanay ki tayyari hai

Tu babul ilm ka beta hai tu shehr e wafa ka shehzada

Tere ishq mein jo deewana nahin woh aql o khirad say aari hai

Tera ishq khuda ki rehmat hai tu noor ka paikar hai mola

Jo tujh say adawat rakhta hai woh papi hai woh nari hai

Tu samnay ho ya gaibat mein sab teri itaat karte hain

Kya khoob hukumat hai teri kya khoob teri sardari hai

Ae barhwain haider sher e nar duniya mein tere aane ki khabar

Momin kay dilon ki rahat hai dushman kay dilon per aari hai

Hum kya batlaein kya bolain tareekh gawahi daiti hai

Jisay nara e haider yaad nahin woh fauj hamesha hari hai

Apnon ki balaon ko katay gairon kay dilon ko chaak karay

Yeh nara e haider to piyaray talwar hai aur do dhari hai

Kuch yaar ka ghum na parwah ki jab khatra dekha bhaag gaye

Jab maal luta to laut aaye yeh yaari nahin makkari hai

Tere bughz say rab e kon o makan mehfooz rakhay her insan ko

Na marnay day na jeenay day yeh yaari nahin makkari hai

Lehjay ki sadaqat jab toli jab husn e sukhan ka wazn kiya

Meezan e samaat bol utha rizwan ka palla bhari hai

Tera sadqa milta rehta hai tera saaya rehta hai sir per