Mene alam sajaaye audio file

Mein ney alam sajaya

 

Mein ney alam sajaya mein ney alam uthaya

Mere sir pay wafa ney kiya ishq ka saaya

Chaleen kausari mojain khuleen khuld ki raahain

Jhukeen duniya ki nazrain utheen dil ki nigahain

Mere bakht ka tara zara aur jagmagaya

Chaleen kat kay balaein peechay hut gaye toofan

Sab he kali ghataein hueen chaak greban

Andhiyon ney qasida meri shan mein gaya

Jaisay must hawaein jaisay bal khati nehrain

Mere qalb mein aisay utheen ishq ki lehren

Joonhi sir pay pharera khula aur lehraya

Suni jaisay he us ney meri taaza kahani

Liye taaza baharain liye taaz jawani

Meri khushion ka mausam khushi khushi lot aaya

Mere tun mun mein aisi basi khushboo vila ki

Meri rug rug say aanay lagi mehek wafak ki

Kabhi phir koi bagi mere pass na aaya

Mujhe aisa sanwara tere lutf o karam ney

Diye aisay ujalay mujhe kalay alam ney

Mujhe dhoondta suraj mere ghar chala aaya

Mein to barh gaya aagay peechay reh gaeein sadiyan

Mujhe aik he pal mein mileen sadiyon ki khushyan

Mein ney saray gamon ka kiya aisa safaya

Mujhe dekh kay gohar hansay saray nazaray

Lagi aag kisi kay bharak uthay angaray

Jo tha bughz ka mara tapa aur tilmilaya

 

Writer: gohar jarchvi

Audio: baidarian 2005

Reciter: rizwan zaidi

Karachi - pakistan