Thero thero musalmanon thero zara

Hum idhar jaayenge tum kidhar jaoogay

Dil machalnay lagay aa gaee karbala

Hum idhar jaayenge tum kidhar jaoogay

Dekho dekho hai bicha hua aasman

Pak bazon ki mehfil jami hai yahan

Anbia parh rahe hain hadis e kisa

Hum idhar jaayenge tum kidhar jaoogay

Is zamin per he milte hain donon jahan

Hai ilaaj e gum e deen o duniya yahan

Hai yaheen per shifa aur khaak e shifa

Hum idhar jaayenge tum kidhar jaoogay

Khud yahan mot hai zindagi ki ameen

Yaan pay koi kisi ka mukhalif nahin

Chal rahee hai hawa jal raha hai diya

Hum idhar jaayenge tum kidhar jaoogay

Ghoomte phirte rehtay hain rooh ul ameen

Raqs karte hain paiham ujalay yaheen

Jhoomti hai yaheen rehmat e kibriya

Hum idhar jaayenge tum kidhar jaoogay

Deen say nagawari gawara nahin

Maslehat ka yahan per guzara nahin

Is jagah saaf suthri hai aab o hawa

Hum idhar jaayenge tum kidhar jaoogay

Ba adab ba adab ba adab ba adab

Jalwa farma hai khud saqi e tashna lab

Aane wala hai gardish mein jaam e vila

Hum idhar jaayenge tum kidhar jaoogay

Chalna hai to chalo warna ho jao gum

Ab hamari taraf say kahin jao tum

Itna samjha chuke ho gaee intiha

Hum idhar jaayenge tum kidhar jaoogay

Is ilaqay mein koi munafiq nahin

Yoon tumhara to jaana munasib nahin

Aa rahee hai ali ya ali ki sada

Hum idhar jaayenge tum kidhar jaoogay

Woh jo bazoo bureeda alamdar hai

Woh jo nehj ul wafa ka qalamkar hai

Hai yaheen woh sheheryar e shehr e wafa