Ya Sakhi Ya Aliyyun Naqi audio file

Ya Sakhi Ya Aliyyun Naqi

 

(Maula sakhi, ibn-e-sakhi, Bul askari, aliyyun naqi) x2

 

(Ya sakhi ya aliyyun naqi, ya sakhi ya aliyyun naqi) x2

 

Aap ki maa hai bibi sumaana khatoo(n),

aap ke baba jaa(n) hai Muhammad Taqi

tumne che saal ke umr mei paayi thi,

zimmedari imamat ki aur aal ki

Tu hai shahzada-e-do jahaa(n),

ranj ki hai teri daastaa(n)

 

(Ya sakhi ya aliyyun naqi, ya sakhi ya aliyyun naqi) x2

 

Tumko darbaar mei laaya zalim ne jab,

mutawakkil tha bad-mast yu(n) takht par

Aap koh ke ashaaro(n) ko parhke kiya,

zer baari wo zalim ka us waqt par

Tere lafzo(n) ka tha ye asar,

khun roya tha bedaadgar

 

(Ya sakhi ya aliyyun naqi, ya sakhi ya aliyyun naqi) x2

 

Mutakabbir wo zalim tha itna bara,

teri azmat ko pehchaan paya nahi(n)

Khud ko afzal samajh ke sitamghaar yu(n),

sheyr ke ghaar mei phenke tumko la’ee(n)

Hai buland ye tera martaba,

Tumko sheyro(n) ne sajda kiya

 

(Ya sakhi ya aliyyun naqi, ya sakhi ya aliyyun naqi) x2

 

Jis tarha se madine ko rukhsat kiya,

Misl-e-shabbir tune bhi rukhsat kiya,

Jangal-e-karbala ko chale the hussain,

jangal-e-samarra tha wo manzil tera

Wo huwe karbala mei qatal,

samarra mei thi teri ajal

 

(Ya sakhi ya aliyyun naqi, ya sakhi ya aliyyun naqi) x2

 

Mere shahzade sunlo ye dil ki dua,

Tumko Zainab ki chadar ka hai wasta

Jiske dil mei hai hajat wo maqbool kar,

Asra har muhibbo(n) ka bas hai tera

Jiske dil mei hai hajat bhari,

unke lab pe sada hai yahi

 

(Ya sakhi ya aliyyun naqi, ya sakhi ya aliyyun naqi) x2

 

Sab yateemo(n) ko saya-e-rahmat mile,

har pareshaan dil ko salamat mile

Zalimo(n) ko saza aur qayamat mile,

hashr mei momino(n) ko shafa’at mile

Aap sab hajato(n) ke ho dar,

Kyu(n) ke hai aapka paak gar

 

(Ya sakhi ya aliyyun naqi, ya sakhi ya aliyyun naqi) x2

 

Zehr tumko khilaya gaya ya imam,

Mutawakkil ki zulmat ki thi inteha

Ye asar tha ke tha tera tukre jigar,

marte bhi dard se tan tha tera bhara

Haaye maula ye ghurbat teri,

the janaze pe bas askari

 

(Ya sakhi ya aliyyun naqi, ya sakhi ya aliyyun naqi) x2

 

Baad-e-rehlat sukoo(n) bhi huwa na naseeb,

zalimo(n) ne kiya munhadim samarra

Ayenge jab “Tejani” imam-e-zamaa(n),

lenga tab badla-e-zulm wo bakhuda

Leke wo ayega zulfiqaar,

hogi tab sare zalim ki haar

 

Raah par hai hamari nigaahei(n) pari

Dekhna hai zamane ko ab us ghari

Ayega ghayb se jo hamare imam

Lega tab samarra ka wohi inteqaam

Zulfiqar uspe chaljaayegi jo bhi tha

Qatil-e-asghar-o-mohsin-o-fatemah

Samarra aur baqiyyah ke zalim suno

Ghayb se ibn-e-zahra ik din ayega

Har adu ka badaljayenga din se shaam

Is tarha se chalayega apni niyaam

Badla-e-shaam-o-karbal  wo tab payenge

Aur sajjad ke ashk tham jaayenge