Ghurbat ki inteha hai Hussain

Ghurbat ki inteha hai Hussain Ye deen ki baqa hai Hussain 

 

1.     Hussain puri risaalat, bachaane waale hai 

Hussain wada-e-tifli, nibhaane waale hai 

Haa(n) asl-e-aayat-e-tatheer ka tarjuma hai Hussain 

 

Ghurbat ki inteha hai Hussain Ye deen ki baqa hai Hussain 

 

2.     Badan hai teero(n) se chhalni, aur beet’ti hai qayamat 

Wo teen din ke hai pyaase, Hai aab ki kasrat 

Jo sehn kar raha har zulm aur jafa Hai Hussain 

 

Ghurbat ki inteha hai Hussain Ye deen ki baqa hai Hussain 

 

3.     Hai yaad Khun mei dubi, jawaan ki mayyat 

Banayi haatho(n) se Asghar, ki jisne thi turbat 

Wo jiske dil mei hazaaro(n) haa(n) gham jama hai hussain 

 

Ghurbat ki inteha hai Hussain Ye deen ki baqa hai Hussain 

 

4.     Hussain ghazi ke laashe, pe aye dil thaame 

Kaha wo roke na rutho, ay bhaayi jaa(n) mujhse 

Nahi hai munis-o-yawar faqat bacha hai Hussain 

 

Ghurbat ki inteha hai Hussain Ye deen ki baqa hai Hussain 

 

5.     Sawaar sine pe hai shimr, hai haath mei khanjar 

Gale pe sheh ki wo zalim, Chalaata hai hass kar 

Sada falak se ye aayi zibah huwa hai Hussain 

 

Ghurbat ki inteha hai Hussain Ye deen ki baqa hai Hussain 

 

6.     Thi sham kaisi gharibo(n), pe jhal gaye khayme 

Pukaari roke ye zainab, wo dasht mei aake 

Na mere sar pe bhi saaya koi bacha hai Hussain 

 

Ghurbat ki inteha hai Hussain Ye deen ki baqa hai Hussain 

 

7.     Ay Fatemah tere bęte, ko ro rahe hai ham 

Wo jispe abid-e-muztar, na kar saka matam 

Zabaa(n) pe aaj hamaare faqat sada hai Hussain 

 

Ghurbat ki inteha hai Hussain Ye deen ki baqa hai Hussain 

 

8.     Nahi misaal muhabbat, ki phir kabhi aisi

Tejani sheh ki zabaa(n) par, thi bas sana rab ki 

Allah karta hai khud hi jinki sana hai Hussain

 

Ghurbat ki inteha hai Hussain Ye deen ki baqa hai Hussain