Baabul Hawaij

 

Dono bazu ko kataaye, teen din ki pyaas hai

khayme tak pohnche ye paani, dil mei bus ik aas hai

rehgayi uski tamanna, rab ne khaayi ye qasam

aaj se Baabul hawaaij, mera Abbas hai

 

(Baabul hawaij ay Maula Ghazi, aaye hai dar pe tere sawaali) x2

 

1.    hamein khabar hain, Rad nahin hogi

Kabhi is dar se, dua hamari

Is liye Aaye, hai aas lekar

Ay mere Maula, tumhaare dar par

Baabul hawaaij, ay maula ghazi

Dil mei dua hai aansu hai jaari

 

(Baabul hawaij ay Maula Ghazi, aaye hai dar pe tere sawaali) x2

 

2.    Ho sheyr tumhi, sheyr-e-khuda ke

Tum bawafa ho, karbobala ke

Dua-e-zahra ke ho asar tum

Ho paasbaa(n) zainab ki rida ke

Baabul hawaaij, ay maula ghazi

Tumhare jaisa nahi(n) hai koi

 

(Baabul hawaij ay Maula Ghazi, aaye hai dar pe tere sawaali) x2

 

3.    Haatho(n) ko jode, aate hai rokar

Jo bepisar hai, Tumhaare dar par

Unki tamanna, ko rad na karna

Awlaad-e-saaleh unhe ata kar

Baabul hawaaij, ay maula ghazi

Unhi khawateen ki bharde godi

 

(Baabul hawaij ay Maula Ghazi, aaye hai dar pe tere sawaali) x2

 

4.    Be jurm aseero(n), ko tu riha kar

Maqrooz momin ke qarz ada kar

Amn-o-amaan ka tohfa ata kar

Har ik bala ko, hamse hataa kar

Baabul hawaaij, ay maula ghazi

Kistarha lotenge dar se khaali

 

(Baabul hawaij ay Maula Ghazi, aaye hai dar pe tere sawaali) x2

 

5.    Sar ko jhukaaye, dil mei hai ye gham

Apne gunah mei, dubte hai ham

Maaf ho jaayein saari khatayei(n)

Ye istighasa hai taht-e-parcham

Baabul hawaaij ay maula ghazi

Tere hawaale taqdeer meri

 

 (Baabul hawaij ay Maula Ghazi, aaye hai dar pe tere sawaali) x2

 

6.    Saare jahaa(n) mei, hota hai hamla

Har ik taraf hai, lahu ka darya

Yemen-o-bahrain, shaam aur iraq bhi

Hai aaj tak munhadim baqiyyah

Baabul hawaaij, ay maula ghazi

Jald hojaaye, zahoor-e-mehdi

 

(Baabul hawaij ay Maula Ghazi, aaye hai dar pe tere sawaali) x2

 

7.    Ham jee rahei(n) hai, Is aasre par

Teri ziyarat ho zindagi bhar

Jinke dilo(n) Mei hai ye tamanna

Dekho wo roza tumhara aakar

Baabul hawaaij ay maula ghazi

Dil Mei dua hai aansu hai jaari

 

(Baabul hawaij ay Maula Ghazi, aaye hai dar pe tere sawaali) x2

 

8.    shame ghariban Mei jaise ujri 

Zainab-e-muztar haaye akeli 

chadar luta kar, wo ban Mei aayi

Unke labon par bas ye sada thi

Baabul hawaaij ay maula ghazi

Aawo bachaawo ay mere bhaayi

 

(Baabul hawaij ay Maula Ghazi, aaye hai dar pe tere sawaali) x2

 

9.    Hai maula wada, yahi "Tejani"

Rahengi zinda ye nawhakhwaani

Ye nokri ki na intehaa ho

Hamare jeene ki ho kahaani

Baabul hawaaij ay maula ghazi

Ta hashr sheh ki karei(n) ghulaami

 

(Baabul hawaij ay Maula Ghazi, aaye hai dar pe tere sawaali) x2