Ya Zainab, Ya Abbas

 

1.     Kon aati hai akeli hai andhera

Jiska raakh se hai siyaah chehra

Jiske sar pe na bacha hai koi parda

Aage barh rahi hai wo janib-e-darya

(Ya Zainab) x6

 

2.     Kya na pehchaana mujhko ay mere bhayya

Khaymo(n) ke dhuwe(n) se hai mu aabdida

dekho ghaur se Mei Hu zainab tumhaari

Tanha pehre pe khari hu leke neza

(Ya Abbas) x6

 

3.     Ay khuda na nikaalo aankho(n) se ye teer

Dekh na sakunga mei teri tasweer

Nange sar khari hai waris-e-tatheer

Maarte hai adu unko leke zanjeer

(Ya Zainab) x6

 

4.     Chaahti hu ke bataau(n) dukh hamarey

Par ye ddar hai ke ruk na jaayei(n) teri saansein

Sirf itna bataungi ay ghazi

Kaash bhaayi mere tum maare na jaate

(Ya Abbas) x6

 

5.     Hai sawaal lab pe mere ay meri behna

Kiske sine pe ab soeygi Sakina

Kon hoga Haaye haram ka aasra

Kon hoga bibiyo(n) KA zamin-e-parda

(Ya Zainab) x6

 

6.     Kistarha se batau(n) ye ay baraadar

Sorahi hai khaak par shaah ki dukhtar

Aag se JALGAYA hai uska saara tan

Shimr ne kenchliye kaano(n) se gauhar

(Ya Abbas) x6

 

7.     Mere bazu na katíte agar ay dukhiya

Mei tujhe Shimr ke durro(n) se chupaata

Apni maa(n) ki qasam sheh ko mei bachaata

Qafela shaam mei Dar ba dar na phirta

 

(Ya Zainab) x6

 

8.     Saari umeedein thi tere bazuo(n) par

Na bacha tu na rahe qasim-o-akbar

Ho raha tha jab paa-e-maal laash-e-sarwar

Mei sada de rahi thi tujhko ro rokar

(Ya Abbas) x6

 

9.     Mei yahi dekh ke hu(n) bohot sharminda

Aag ki bu se bhari hai teri abaa

Zakhmo(n) se surkh hai jo badan tumhara

Dekh ke haal tera haste hai aada

(Ya Zainab) x6

 

10.Ay Tejani thi yahi zainab ki fughaa(n)

Mere ghazi tere bazu pe hu(n) qurbaa(n)

Rehgaye HEIN haram be sar-o-samaa(n)

Alvida bhayya mere jaati hu(n) zindaa(n)