Chalo Karbala Hussain audio file

Chalo Karbala Hussain

 

Ishq aur inqelab ka meyaar hai hussain

Din e khuda ka maalik o mukhtar hai hussain

Nabiyo se badhke saahib e qirdar hai hussain

Haq keh raha hai mera madadgaar hai hussain

Aaja ke teri raah me aankhein bichhati hai

Zahra ke lal karbala tujhko bulati hai.

 

Islam bulata hai chalo karbala hussain

"Wade ko nibhana hai chalo karbala husain"!

 

Hai tera khun khun-e-raghe shahe ambiya

Tumne yeh dikhana hai chalo karbala Husain

 

Sona hai tumhe karbobala ki zameen per

Ghar bhar ko sulana hai chalo karbala husain

 

Khona hai bhai bete tumhe dasht-e-bala me

Gham yeh bhi uthana hai chalo karbala husain

                               

Ho jayega taqsim jo baaghe hasan ka phool

Phir tukdhe milana hai chalo karbala hussain

 

Asghar ka khu bahega to uska bhi aapke

Chehre pe thikana hai chalo karbala hussain

 

Karbobala ko khake shifa me badal sake

Akbar woh khazana hai chalo karbala husain

 

Bhai kise kehte hai wafa kehte hai kisko

Duniya ko batana hai chalo karbala husain

 

Chhin jayengi behno ki rida baad tumhare

Bus sabr dikhana hai chalo karbala husain

 

Marne se pehle khaime me sajjad ko tumne

Salaar banana hai chalo karbala hussain

 

Dushman ke shar se hur ko khuda ke liye tumhe

Azad karana hai chalo karbala hussain

 

Kehne lage yeh khud se "SHABIH" shahe behrobar

Karbal ko basana hai chalo karbala hussain