Chand mazdoor audio file

Chand mazdoor

 

Chand majdoor chale lasha e mazloom chala

Roohe qur aa ko kisi shakhs ne kandha naa diya

 

Yu guzara gaya mazloom ko virane se

Jaise kaabe ka takabul kisi but khane se

Bain karti rahi mazloom ke laashe pe hawa

 

Dard barsa diya taboot ki mehroomi ne

Bekasi royi to matam kiya mazloomi ne

Aaj bhi qabr me hai nauhakuna maula reza

 

hukm e hakim tha musafir ko kafan bhi na mile

Dafn ke waste bekas ka badan bhi na mile

Haye dauhrayi gayi phir se jafa e kufa

 

Rauza e ahmed e mukhtar pe faryaad rahi

Begiza saantwe masoom ki aulad rahi

Shehre baghdad nazar aane laga karbobala

 

Jis tarha furkat e shabbir me sughra thi nidhaal

Sar jhukaye huye shehzadiya aur ranjo malal

Waqt per yeh bhi utha lete pisar ka lasha

 

Qalb me shaam ke bimar musafir ka khayal

Jazba e moosi e kazim ke liye sabr ki dhaal

Khoon e masoom tha masoom dahan se nikla

 

Woh musafir jise haste huye dekha hi nahi

Woh musafir hai jo zanjeer se nikla hi nahi

Jaise unwaan mita de koi afsane ka

 

Fikr e rehaan hai bekas ke badan ka sadqa

Iss tarah milta hai zahra ke chaman ka sadqa

Log kyunker na sune nauha sar e farsh e aza