Mehendi ka rang audio file

Mehendi ka rang

 

Mehendi ka rang khun se milta hai ya khuda

Ab dekhna hai madar e qasim ka hausla

 

Ashqo ka khums de koi mehendi ke waste

Khayaam e ahlebait me pani nahi raha

 

Shabbir ki talash ko manzil kaha mile

Qasim ke hath ka abhi kangna nahi mila

 

Mehendi na raas aa saki farwa ke lal ko

tukhdho me bat gaya hai woh shabbar ka ladla..

 

Qasim ki lash bikhri hai maktal me jabaja

Ran se utha ke laate hai sultan e karbala

 

Tarteeb kya bayaan ho qasim ki lash ki

Kuch phool the jo dhup me bikhre the jabaajaa

 

Shadi ki kaisi rasm huyi jiske sogh me

Har zarra karbala ka lahu rota reh gaya

 

Khayam se.nikal ke to qasim gaya tha woh

Maktal me jaane kya hua taqsim ho gaya

 

Ibne hasan ki qabr hai har matami ka dil

Phaili huyi hai "JONN" yu duniya me karbala