Sar huwi manzil audio file

Sar huwi manzil

 

Sar huyi manzil-e-bazaar to darbar mila

ek gham jhel chuka dusra tayyar mila

 

sang baari ne yu nusrat ki ummide todhi

shaam ke sheher ka har shakhs jafakar mila

 

Rasta hi to fakat maang raha tha aabid

Kab rida ka tha talabgaar jo inkaar mila

 

Taziyano se utha dete the zaalim aakar

Jab bhi aabid ko kabhi saya-e-deewar mila

 

Rahe purkhar pe chalna bhi badha mushkil tha

Rahe bazaar magar isse bhi dushwar mila

 

Maa tarasti rahi bazaar me akbar ke liye

Jhuk ke naize se magar baba kayi baar mila

 

Berida kunba hai sab berida bazaar aseer

Haye kis haal me sajjad ko mukhtar mila

 

Shimr ka zulm badalta hi raha apna hadaf

Bhai ki pusht kabhi behen ka rukhsar mila

 

Sham ko sham nahi "JONN"to phir zulm likhu

Jisse sajjad ko azaar pe azaar mila