DER TAK AUDIO FILE

 

DER TAK

 

 

Der tak tum azaa dena akbar akhiri hai azaa tumhari,

Bola shabbir (a.s.) ka dil tadapkar - akhiri hai azaa tumhari

 

1.     Jab suna allaho akbar, kheme me ro padi maan tadapkar,

Karti hai jaan tum par nichawar - akhiri hai azaa tumhari

 

2.     Subah ka waqt aya hai jab se, tar musalla kiya aansuo ne,

Roya laila (s.a.) ka dil haye dilbar - akhiri hai azaa tumhari

 

3.     Fufiyaan, maan aur bali sakina (s.a.), gham se dushwar hai sab ka jeena,

Dasht me aey shabeeh-e-payambar (a.s.) - akhiri hai azaa tumhari

 

4.     Maan ke dil me hai kab se tamanna, haye afsos sehra na dekha,

Phool, kaliyaan hui haye paththar - akhiri hai azaa tumhari

 

5.     Janibe jang jab ho rawana, mujhko mud-mud k tum dekhe jana,

Ro ke kahte the akbar (a.s.) se sarwar (a.s.) - akhiri hai azaa tumhari

 

6.     Jayengi ye sadaye watan tak, ud ke pahochengi choti bahan tak,

Kaise janegi beemar khahar - akhiri hai azaa tumhari

 

7.     Aey shuja ab dua shah se mango, karbala jald mujhko bula do,

Mai padhu nauha rauze me akar - akhiri hai azaa tumhari.