KOOFE ME AUDIO FILE

 

KOOFE ME

 

Rida sir par nahi hai zainab-e-lachar (s.a.)  koofe me,

Hai zanjeero me jakde abid-e-bimar (a.s.) koofe me

 

1.     Pade hain karbala ke ban me begoro kafan laashe,

Aseeri hai shaheedon ke hain reshtedar koofe me

 

2.     Qayamat hai aseeron par taras khata nahi koi,

Chaton se paththaron ki hoti hai bauchar koofe me

 

3.     Gale me tauq ke hain zakhm pairon me bhi hain chale,

Imame waqt ki khatir biche hain khaar koofe me

 

4.     Aseeron me ziyadatar sabhi ki pusht zakhmi hai,

Sitma dhane laga phir lashkare kuffar koofe me

 

5.     Hai kal ki baat zainab (s.a.)  isi koofe ki shahzadi,

Hukumat kar rahe the haider-e-karrar (a.s.) koofe me

 

6.     Janab-e-sayyada (s.a.) ka karbala me ghar ujada hai,

Sitam karta hai ab araasta darbar koofe me

 

7.     Safer-e-karbala ka sir to hai darul amara par,

Sare naiza hai farkse sayyade abraar (a.s.) koofe me

 

8.     Na bewaaon se hamdardi, na kuch ulfat yateemo se,

Tamasha dekhne ko sajta hai bazaar koofe me

 

9.     Abhi to karbala me itni takleefe uthai hain,

Masayeb sahte hain ab shah ke ghamkhwar koofe me

 

 

10.                        Kahin tane, kahni durre, kahin paththar, khain kaante,

Aseeron ko mile asaar par asaar koofe me

 

11.                        Khabar unko nahi kya karbala me shah par guzri,

Muqayayd to hain fidvi hazrat-e-mukhtar (a.s.) koofe me