CHORA HAI ZULJANA AUDIO FILE

ChORA HAI ZULJANA

Choda hai zuljanah mere bhai ko kaha,

Mujhko khuda k waste batla de bezubaa

1. Duldul tujhe husain (a.s.) ki ulfat ka wasta,

Baba ki mere ki hai jo khidmat ka wasta

Duldul tujhe husain ki nusrat ka wasta

Hamsheer hoon husain (a.s.) ki sun le meri fugha

2. Pad jaegi sakina (s.a.) ki tujh par agar nazar

Puchegi tujhse wo bhi yahi sir ko peet kar,

Baba ko mere chor ke aya hai tu kidhar,

Royegi jab yateem to larzega aasmaa.

3. Tujhko qasam husain (a.s.) ki aey aspe-ebawafa,

Ghurbat me sath tune mere bhai ka diya,

Rukhsat ye akhiri hai mujhe wo jagah dikha,

Bhai ki laash chor ke aya hai tu kaha.

4. Kaise jiyegi chhoot ke khwahar husain (a.s.) se,

Baithegi umr bhar na kabhi ab wo chain se,

Bus itna pooch loon mai shahe-e-mashraqqain se,

Bahlayegi sakina (s.a.) ko kaise ye khastajaa.

5. Munh ko kaleja ata hai phatne laga jigar,

Tere badan pa saikdo teero ko dekhkar,

Mai ho gayi hoon bhai ki halat se bakhabar,

Laaungi laash bhai ki le chal mujhe waha.

6. Tujhko khabar hai saniy-e-haider (a.s.) nahi raha,

Laila ke gulsitaan ka gule tar nahi raha,

Jhoola ujad gaya ali asghar (a.s.) nahi raha,

Shabbar (a.s.) ka mere ho gaya weeran gulsitaan.

7. Aey zuljanah itna bata de tu ab mujhe,

Maqtal me tune dekhe hain laashe pade hue,

Abbas (a.s.) kitna door hai bhai ki laash se,

Akbar (a.s.) kaha hai turbat-e-besheer hai kaha.

8. Gulshan karo tamam ye nauha karo fugha

Gulshan hui hai raat larazta hai aasmaa,

Jalne lage khyam to uthne laga dhuwan

Zainab (s.a.) tadap ke rah gayi karti hui fugha.